[center][size=18]حبيت اقدملكم هالوجيه والي باكلها تقريبا كل يوم عالعشا
المقادير :
رغيف خبز عادي او رغيفين سياحي بس بالعادي اطيب
جبنه كعيب او شلل
زيت زيتون ونعاع وفليفله رش
اول خطوه بتقومي بتقطيع كعيب الجبنه او انك بتغسلي شله الجبنه لانه عالاغلب بتكون مالحه
بعدين بتقومي بصفها بشكل لاتتركين فيها فراغات داخل رغيف الخبز وبعدها تقومي برش النعناع والفليفله بطريقه لولبيه حسب الرغبه وانا بحب الفليفله تكون كتيره
بعد ذلك بتمسكي بايدك معلق وبتسكبي الزيت فوقهن كمان بطريقه لولبيه
بتطوي رغيف الخبر وبتحطيه بالسخانه ملاحظه السخانه لازم ما تكون حرارتها مرتفعه وما تشعلي عليها قبل بفتره طويله من تجهيزك السقسوقه
بتقومي بعدها بوضعا بالسخانه وتدهني الخبزه بالزيت كي تتسقسق الخبزه والمتل بقول كل ما كتر زيتها صارت اطيب
بعد ذلك بتدهني الوش التاني كمان زيت وانتبهي لان لاتحترق السقسوقه واهم شي هو وضع شي تقيل فوق السخانه مشان تكبسها وتتسقسق وانت بتعرفي انها بلشت السقسقه من صوت السقسقسه
وهيك بتكوني عملتي اطيب سقسوقه جبنه ويمكن ان تضاف اليها شرائح بندوره قبل ما تستوي بشوي طبعا حسب الرغيه
يفضل شرب كاسه جاي معا وانها تتاكل بسرعه وهي سخنه اجلي كل شغلك لبعدين
وصحتين على قلبكم والله يدملنا هالبوابه الحلوه منين الله بعتا ما بعرف[/size][/center]
