العنف منذ الصغر

موضوع: العنف منذ الصغر الخميس مارس 03, 2011 4:22 am

العنف منذ الصغر

أول درس في العنف لما كنا صغار هو غرفة الفيران...وكانت أول درس في ثقافة العنف المكتسبة .. الغرفة الوهمية إلي كانو يهددونا فيا بالمدرسة يعني كلام الانسة إللي بدي أسمعو عم يحكي بدي حطو بغرفة الفيران

كمان العنف النفسي اللي كان يمارس من قبل الأهل

يعني الكلمات اللي كنا نسمعا دائماً

مثلاً : والله لأفرمك - والله لكسرك - بدي كسر ايديك - بدي اقبرك - بدي أهري نعمتك - اذامابسلخ جلدك عن عضمك ..................الخ

في مصطلحات عنف كانت تعتمد على الطب

والله لشيل عيونك - والله لطير راساك - يشوفك الحكيم ويهز براسه - والله لأقرف رقبتك وحملك ياها - والله لأقص عصبك ( أو لسانك أو إيدك ) لا فرق

في عنف مشتق من الكلام الوطني

والله لأطرأك كف خلي سنانك تمشي مسيرة قدامك
في عنف مشتق من الحيوانات
والله لخليك تقاقي ماتلاقي - والله لخليك تعوّي متل الكلاب
وفي عنف رومانسي
والله لفرجيك نجوم الضهر اللي صارت معروفة عنا أكتر من نجوم الليل
في عنف دبلوماسي أكيد عرفتوا
هو هديك اللحظة اللي بيجي فيا الوالد الكريم حامل معو صحن سيكارتو وبيقلنا: تعال بابا نتناقش بهدوء اعتبرني رفيقك
وبغباء الابن المعهود منصدق وعند أول اختلاف وجهة نظر بيناتنا"طبعاً بابا"وبس نقول :بس يا بابا هدا رأيي....
بيطفي الوالد سيكارتو وبيطفي وجهة نظرنا بكلمة وحدة ولاك "...."صار عندك وجهة نظر !! سماع ولا نص نصيص
كبرت لما صغرت .. طلعت لما نزلت .. بضلك تحت هالـ"...."و مابيمشي غير اللي أنا بقولو أوم ولا !! جيل اّخر زمن .. والله عال
حتى صار عنا عنف باعترافاتنا العاطفية
يعني اذا حبينا حدا منقلو.. تقبر قلبي - تطلع على قبري وغيرو كتير من
المفردات الي مليانة عنف

موضوع رائعُ
يستحق التثبيت غاليتيُ

5 نجوم لآِ آبداعكـ وقتـ حضوركٌ

دمتي موفقهُ

لا تحرمينا اختي الغاليهُ

تحياتيُ

عنجد اهلاً طفولة اي طفولة هاي
بصراحة انا كنت متعقد من غرفة الفيران واحلى شي لما تسمعي واحد بيغني لابنو نام يا بابا نام قبل ما ييجي الواوي
وبعدين لا تنسي ابو رجل مسلوخة اللي متت وانا بتخيل برجلو بس
في احسن من هيك طفولة؟؟؟؟

فعلا يستحق التثبيت

اف اف اف كل هدول هدول امثله للرعب تبع الاطفال يعني كيف بستنو من الطفل يطلع يعد كل هاد مابعرف

هاد اصعب عنف الكلام قبل الضرب .. شكرا لمرورك رامز وشكرا للتثبيت ..

شو هاد لك رنووم
أرسل التقييم
يعطيكي العافية

» العنف
» العنف الفظي السوري